دكتور حاتم فاروق

يعتبر الجديري المائي من الامراض المنتشرة و من الامراض سهلة العدوي لان العدوي بتنتقل عن طريق رذاذ النفس.  ده غير ان في معلومات مغلوطة كتير عن المرض ده و في بعض المعتقدات الخاطئة عند بعض الناس.  علشان كده في الفيديو ده هيوضح لنا الموضوع ده بالتفصيل وازاي نتعامل مع الطفل المصاب لحد ما يخف و ازاي نتجنب طرق العدوي. 

يعتبر الحديد من العناصر الأساسية المهمة لبناء جسم الطفل بطريقة سلمية.  و غالبا بيولد الطفل و في جسمه مخزون من الحديد يكفيه اول ست شهور  علشان كده لو في نقص في عنصر الحديد عند الطفل بيبدأ يظهر بعد ست شهور. علامات نقص الحديد :  1 -  من اهم العلامات هي البطء في نمو الطفل، يعني الطفل  يكون بيزيد كويس و بعدين يبدأ زيادته تقل نتيجة ان  الهيموجلوبين عنده بيكون قليل. 2 -  فقدان الشهية عند الطفل و يبدأ قابليته للاكل تقل عن  الاول. 3 -  زياده شحوب وجه الطفل و برده بيظهر الشحوب في كف ايد الطفل. 4 -  سرعة ضربات القلب. 5 -  الارهاق المستمر و التعب. 6 -  العرق الزايد خصوصا ساعة الرضاعة. الوقاية من نقص الحديد : 1 -  المحافظة علي الرضاعة الطبيعية علشان بالرغم من ان نسبة الحديد في لبن الام قليله لكن بتكون مناسبة جداً للحفاظ علي نسبة الهيموجلوبين جيدة 2 -  الرضاعة الصناعي بلبن يكون مدعم بالحديد  3 -  تقديم الوجبات للطفل الغنية بالحديد و من اشهرهم  الفراخ و اللحمة الحمرا و البروكلي و الكبد...

الصداع عند الاطفال  اةل ما يجب معرفته ان لا يوجد مرض يسمى بمرض الصداع و لكن الصداع و الام  الراس اعرض يكون لها مرض مسبب  اسباب الصداع عند الأطفال : اشياء كثيرة ممكن ان تسبب الصداع و الام الراس عند الطفل سنستعرض بعض منها . 1 - اضرابات النوم عند الاطفال 2 - الانيميا عند الاطفال  3 - ارتفاع درجة حرارة جسم الطفل 4 - تسوس الاسنان 5 - التهاب الجيوب الانفية 6  - مشاكل الابصار 7 - الالتهاب السحائى 8 - الاورام و اشياء اخرى كثيرة   اذا يجب ان الطفل يتفحص جيد حتى نستطيع ان نعرف السبب ونبدأ العلاج .  اقرا ايضا : علاج حساسية الصدر عند الاطفال علامات الخطر عند الصداع :  - قئ شديد للطف يصاحب مع الصداع - اضراب فى الوعى عند الطفل . - الصداع لا يختفى  مع النوم   اوان الطفل يصحى من النوم مصدع فى هذا الوقت ممكن نحتاج عمل اشعة و فحوصات للاطمئنان على الطفل ربنا يحمي ولادنا.  دكتور حاتم فاروق 

حساسية الصدر عند الاطفال من الامراض المنتشرة في السن الصغير و بتسبب ارق و تعب لكل افراد الاسرة تقريبا  و بيختلف من صفير بالصدر الي نهجان و صعوبة في التنفس.  اعراض حساسية الصدر لدى الاطفال : – صعوبة في التنفس . – كحة. – صفير بالصدر أثناء التنفس – زيادة معدل التنفس – ألم بالصدر – سعال حاد بعد الضحك او التعرض لتيار بارد . الوقاية من الحساسية الصدرية : 1. تجنب التدخين نهائيا ( السلبي والإيجابي ) . 2. تجنب التعرض لدخان الأخشاب , زيوت الطهي , الروائح والعطور القوية , البخور وكذلك المواد الطيارة المستخدمة في أعمال النظافة المنزلية . 3. تجنب التعرض للغازات والايروسولات الغازية مثل ثاني أكسيد النيتروجين والايروسولات الحمضية 4. تجنب الأتربة والعث المنزلي خصوصا في الأماكن ذات الرطوبة المرتفعة , وتعتبر العثة والأتربة من اكثر الأشياء المسببة للحساسية الصدرية لهذا: . 5. يجب العناية بأكياس المخدات والمراتب 6. غسل أكياس المخدات والمراتب مرة أسبوعيا على الأقل . 7 .العناية المنزلية بالسجاد و الأرضيات ورفعها وتنظيفها من وقت لأخر . 8. تجنب لعب الأطفال المحشوة بالقطن وغ...

أعراض حمو النيل: تظهر أعراض حمو النيل على هيئة حبوب أو فقاعات حمراء صغيرة محاطة باحمرار في بشرة الطفل، وتتركز بشكل كبير في منطقة الفخذين، والبطن وتحت الإبطين، وقد تجدينه أيضًا في منطقة الرقبة أو الكتفين. هذه الأعراض تجعل طفلكِ الصغير يشعر بإحساس مؤلم، ورغبة شديدة في حك الأماكن المصابة في جسمه.  أسباب ظهور حمو النيل : يعد السبب الرئيسي لظهورهِ هو تعرض جسم الطفل للحرارة الشديدة، نتيجة زيادة عدد طبقات الملابس، أو حرص الأم على تغطية طفلها بشكل زائد خوفًا من تعرضه للإصابة بالبرد أو النزلات المعوية، وتكون نتيجة ذلك احتباس العرق في جسم الصغير، مع احتكاك الجلد بالملابس الثقيلة، الأمر الذي يؤدي لظهور حمو النيل على جلده. طرق العلاج: أولًا: عليكِ توفير المناخ المناسب حول طفلكِ، خاصة في فصل الصيف، وذلك بضبط التكييف أو المروحة على درجة حرارة مناسبة للصغير. ثانيًا: خففي طبقات الملابس، التي يرتديها في البيت وخارجه، واحرصي أن تكون الملابس فضفاضة، حتى تسمح بخروج العرق من جسمه. ثالثًا: استشيري دكتور الأطفال  في العلاج المناسب لحالة الطفل، الذي يكون غالبًا ...

مرحلة التسنين من المراحل المزعجة بمعني الكلمة سواء بالنسبة للطفل او الام.  الفترة دي الطفل بيكون مقريف و عمل يعيط و يعضعض في اي حاجة تيجي قدامه.  و ممكن يرفض الاكل بسبب الم اللثة و مينمش كويس و يقلق طول الوقت.  علشان كده في امهات كتير بتدور علي جل مسكن يريح الطفل من الوجع ده و القريفة  و يساعده انه ياكل كويس.  وكان الجل ده بيعمل تخدير للثة و الطفل بيحس بتنميل خفيف و بيقل احساس الالم  للطفل و مكنش في اي مشكلة بتظهر لحد ما  أعلنت منظمة الدواء والغذاء الأمريكية  منذ عدة أعوام ارتباط استعمال مادة البنزوكاين Benzocaine، وهي المادة  الفعالة في جل التسنين، بحدوث مرض الميتهيموجلوبينيميا  Methemoglobinemia، وهو مرض يسبب نقص قدرة كرات الدم الحمراء  على حمل الأكسجين إلى مختلف أنسجة الجسم، وهي حالة يمكن أن تصل إلى مراحل  حادة تهدد حياة الإنسان. ده غير ان الجل بيخدر للطفل الوجع و بيضيع عنده الاحساس بالأكل و ده ممكن يخليه  يشرق و يسبب مشاكل كبيرة للطفل .  علشان كده معظم الدكاترة دلوقتي مبتنصح...

الطفل الطبيعي اللي مولود في ميعاده بيكون طوله حوالي 50 سم و بيزيد طول الطفل في السنة الأولى حوالي 25 - 30سم ودي تعتبر اكبر زيادة ممكن تحصل للطفل في سنة. في السنة الثانية ممكن يزد طول الطفل حوالي 13-14 سم يعني تقريبا بيتولد 50 سم و يكون علي سنة  75 سم و علي سنتين حوالي 90 سم. بتقل النسبة دي تدريجي لحوالي 5 - 6 سم في السنة الرابعة و ما بعدها حتي يصل الطفل لسن البلوغ فترجع الزيادة تكبر تاني. اما بالنسبة للوزن وضحنا معدل الزيادة للطفل في مقال قبل كده. النمو العقلى للطفل : برده اول سنتين يعتبروا اكتر وقت بيزيد فيه التطور العقلي للطفل وده بيبان في زيادة محيط رأس الطفل في المرحلة دي. بيزيد محيط رأس الطفل حوالي 12 - 13 سم في السنة الأولى من عمر الطفل، و حوالي 9 - 10 سم في السنة الثانية. العقل في الفترة دي بتزيد كما و كيفا يعني حجم المخ بيكبر بسرعة و بتزيد عدد الخلايا في المخ و بعدين الخلايا دي بتترقي بسرعة في الفترة دي في دراسة بتقول ان كمية المعلومات اللي بيخزنها عقل الطفل اول سنتين بتعادل كمية المعلومات اللي موجوده في رسالة دكتوراه في أصعب العلوم. الطفل يقعد لواحد...

بسمع ديما شوية حاجات غلط بنرددها وغالبا بيقولها الناس الكبار فى السن هما ملهومش اى اساس علمى حبيت اقولكم عليها : 1 - البامبرز بيعمل تقوس نلبسه كوافيل احسن 2 - اللبن الصناعى بينفخ اديه لبن بقرى احسن 3 -  اللبن الصناعى بيعمل نزلات 4 -  التطعيمات الخارجية مضرة 5 - الامراض اللى عند الطفل دى كلها علشان الطفل بيسنن طبعا كل ده كلام فاضى ملوش اساس غير ان اهالينا دى زمان كانت بتحاول توفر فى المصاريف علشان الظروف الاقتصادية فبيحاولوا يقنعوا نفسهم ان اللى بيعملوه الصح دول الله يكون فى عونهم طبعا بس ياريت ميصدروش لينا معلومات غلط يا جماعة البامبرز بيعملش تقوس و اللبن مش بينفخ ولا بيعمل نزلات والتطعيمات الخارجية دى مهمة زى التطعيمات الاساسية بالظبط علشان كده بتتاخد فى معظم الدول اجبارى ده غير ان اللبن البقرى فى السن الصغير ده كارثة بكل المقايس .... علشان نحافظ على ولادنا لازم ناخد المعلومة من دكتور مش من اى حد ولادنا مش حقل تجارب دكتور حاتم فاروق 

ساعات بيكون فى اسباب للكحة الجامدة للطفل من غير ما يكون صدره هو السبب اه والله يعنى تكون الكحة ثانوية لمرض تانى لو اتعالج الكحة تختفى خالص . 1 - اول حاجة هى الارتجاع  : تلاقى الطفل كل شوية يكح بشرقة كحة جامدة اوى ممكن يرجع منها و تحس انه مخنوق ده بيحصل علشان الولد بيشرق بسبب الارتجاع اللى عنده وغالبا ده بيحصل فى السن الصغير. يبقى لو عالجناه الولد يكون تمام من غير ما نقعد ندى الولد ادوية لصدرة و مضادات حيوية و كده والارتجاع ده طبعا علاجه سهل 2 - إفرازات الانف :  تانى حاجة مثلا بتسبب الكحة اللى مش من الصدر هى الافرازات اللى ممكن تنزل من الانف على الصدر من ورا يعنى الطفل مناخيره عماله ترشح و تجيب افرازات بتملى صدره مخاط فيقعد الطفل يكح عمال على بطال مع ان صدره كويس. نعمل ايه بقى ساعتها ندى علاج كويس نخفف بيه افرازات الانف يقوم الصدر يروق وغالبا بيكون بخاخات للانف اه والله سهلة بس الواحد يحدد السبب صح . فى نقطة معلش عاوز اوضحها ليكم موضوع ان الطفل اللى عمال يكح من فترة او صدره مخشول فاروح لدكتور او مستشفى علشان اشفط البلغم اللى على صدره ده موضوع مش تمام و ...

البوابات الإلكترونية اللي بتكون موجودة في مدخل المولات او الفنادق و المطارات، ينفع يعدي منها سيدة حامل او طفل صغير؟.. ولا في ضرر ممكن يحصل؟ السؤال ده ناس كتير بتبقي مش عارفة اجابته  يعني اخلي الطفل يعدي من البوابة ولا ده في مشكلة او خطوره عليه..  طيب المرأة الحامل ينفع تعدي ولا ده ممكن يضر بالجنين احب اوضح ان البوابات دي بتستخدم نوعين من الموجات : - - كهرومغناطيسية ضعيفة التردد للكشف عن المعادن ودي بتكون امنه جدا و مفيش منها اي ضرر لا علي الحامل ولا علي الطفل....  - بوبات تانية بتستخدم اشعة اكس الارتدادية و دي بتصور تحت الملابس و لكن لا تخترق الجلد و دي برده بتكون امنة.   مفيش قلق ان شاء الله  دكتور حاتم فاروق 

يعتبر التهاب الأذن الوسطى من اكتر الامراض المنتشرة عند الأطفال في السن الصغير وهو عبارة عن التهاب حاد يصيب الغشاء المخاطي المبطن للأذن الوسطى.  اسبابه : -  كثرة الاصابة بنزلات البرد و الأنفلونزا والتهاب اللوز و الجيوب الانفية.  - وبرده من أسباب التهاب الاذن ان الام بترضع الطفل بطريقة غلط. يعني بيكون نايم في وضع افقي و هو بيرضع فبيحصل تسريب اللبن الي الاذن الوسطي عن طريق قناة استاكيوس اللي بتتفتح عن طريق البلغ مع الرضاعة.  اعراضه : - ارتفاع كبير في درجة الحرارة  - الم شديد في الاذن  - عدم القدرة علي النوم  - فقدان الشهية.  الوقاية : مهم ان احنا نحافظ علي الطفل من نزلات البرد و علاج التهاب الانف و الجهاز التنفسى  ولازم وضع الطفل بطريقة صحيحة اثناء الرضاعة.  دكتور حاتم فاروق 

تعريف الغدة النكفية : الغدة النكفية هي احي الغدد اللعابية اللي بتكون موجوة امام الاذن. ودي من الأمراض المنتشرة عندنا في مصر علشان كده في تطعيم بيقلل الإصابة منها بيتاخد في عمر سنة و جرعة منشطة في عمر سنة ونص.  طرق الإصابة : غالبا الاصابة بتحصل عن طريق العدوي من استنشاق الرذاذ المحمل بالفيروس نتيجة كحة او عطس الطفل المصاب. علشان كده العدوي بتاعته بتكون سهلة. أعراض التهاب الغدة : - غالبا بيبدأ الموضوع بسخونية بسيطة و ساعات بتكون حرارك عالية و رعشة و ممكن يكون في غممان نفس او يحصل ترجيع. - بعد كده الطفل بيشتكي من وجع تحت ودنه وورم تحت الاذن و صعوبة عند البلع علشان الوجع بيزيد مع البلع ممكن يحصل التهاب في ناحية واحدة و ساعات كتير بيحصل في الناحيتين و تبدأ الناحية التانية تورم بعد يوم من تضخم الاولي. الموضوع بسيط و مش بياخد فترة طويلة علشان يتحسن بس في ناس كتير بتقلق منه دكتور حاتم فاروق 

 الحصبة مرض فيروسي شديد العدوى تحدث عدواها عن طريق الرذاذ المتناثر من فم وأنف المريض وأعراضها تشبه الأنفلونزا في البداية حيث ترتفع درجة الحرارة مع زكام ورشح وسعال  جاف واحمرار العينين وفي اليوم الثالث للمرض تظهر بقع بيضاء صغيرة بفم الطفل ( بقع كوبلك ) وفي اليوم السابع يظهر طفح جلدي أحمر اللون خلف الأذنين والجبهة ثم ينشر ليغطي الجسم كله ومضاعفاتها : النزلات المعوية والشعبية ، والالتهابات الرئوية ، والتهاب المخ ومن هنا تأتي أهمية ( الوقاية ) من هذا المرض الخطير وذلك بتطعيم الطفل بطعم الحصبة ( 2/1 سم حقنا تحت الجلد )

يعتبر الالتهاب الرئوى من اكتر الامراض الخطيرة اللي ممكن تصيب الطفل في السن الصغير خصوصا في فصل الشتاء و الربيع.  و بتختلف شدة المرض علي حسب سن  الطفل و حالته الصحية و مناعة جسمه.  اسباب حدوثه : الالتهاب الرئوي ده بيحصل نتيجة التهاب الحويصلات الهوائية للرئة و ما حولها بفيروس المكور الرئوي....  وبتكون العدوي عن طريق النفس.  عن طريق استنشاق الرذاذ المحمل بالفيروس لما الطفل المريض بيكح او بيعطس.  ومن اهم اسباب الالتهاب الرئوي هو الإصابة بنزلات البرد او الأنفلونزا و اهمال علاجها لحد ما الموضوع يتطوّر و يوصل لحالة سيئة مع الطفل.  اعراض الالتهاب الرئوي : - ارتفاع شديد في درجة الحرارة  - صعوبة تنفس الطفل و صوت فى النغس  - نهجان  - كحة شديدة مع ان فتحة انف الطفل بتدخل و تخرج مع  النفس.  - حالة اعياء كامل و خمول للطفل.  علاج الالتهاب الرئوى : غالبا حالة الطفل بتحتاج للحجز بالمستشفى لفترة و وضع الطفل على أكسجين او عمل جلسات تنفس مع علاج وريدي لحد ما حالة الطفل تتحسن.  ملحوظة :  في تطعيم ضد المكورات ...

من الحاجات المهمة اللي لازم تكون الام تعرفها هي  ازاي تقيس حرارة الطفل و ايه افضل مكان يتحط فيه الترمومتر و اي هي درجة الحرارة الطبيعية للطفل و امتي تقدر تديه خافض حرارة علشان حرارته عالية...  اسئلة كتير هنحاول نجاوب عليها في المقال ده علشان كل ام تسفيد منه...  اولا -  لازم نعرف ايه افضل مكان لوضع الترمومتر : افضل مكان نحط فيه الترمومتر هي فتحة شرج الطفل. بس ده بالنسبة للطبيب علشان هو يعرف يحط الترمومتر بصورة سليمة من غير ما يسبب ضرر للطفل. لكن الام يفضل انها تخط الترمومتر تحت ابط الطفل علشان ممكن و هي بتحطه في فتحة الشرج يدخل بزاوية غلط تجرح شرج الطفل. او ممكن نستخدم الترمومتر اللي بيقيس درجة الحرارة عن طريق الاذن ويفضل طبعا الترمومتر اللي بيتغير الراس بتاعته علشان ميعملش تلوث للطفل. ثانيا - افضل ترمومتر للقياس بصفة عامة : طبعا احسن ترمومتر للفياس هو الترمومتر الزئبقي. اللي هو الترمومتر الزجاج بس ده لازم يكون اللي بيستخدمه يعرف يقراه كويس علشان ده بتكون القرأه بتاعته صعبة شوية. ثالثا - ايه هي درجة الحرارة الطبيعية للطفل : درجة الحرارة ال...

امهات كتير بتكون مش عارفة تلبس طفلها ايه. تلابسه خفيف ممكن يبرد طيب تقيل ممكن جسمه يعرق و يتسلخ و يفضل يعيط طول الوقت علشان حران. في المقال ده هنوضح الطفل الصغير ممكن يلبس ايه و ده بيكون حسب الجو يعني. في فصل الشتا ممكن الطفل يلبس ملابس دافئه شتوية و تكون مغطيه معظم جسمه طبعا.  ولبسيه كتير عادي.  اما بقي في الصيف و الجو دافي و حر كمان زي الايام دي  مينفعش البس الطفل لبس كتير و تقولي اصل انا خايفه عليه احسن يبرد يا دكتور اصله صغير يا دكتور.  احب اسألك هيبرد من ايه حضرتك؟ ده الجو مفيهوش اي برد خالص.  و بعدين ابنك ده بني ادم زي ما هو مش هيستحمل البرد برضه هو مش هيستحمل الحر و جسمه هيتسلخ  و هيجيله حمو النيل و ممكن يكون جسمه مبلول من العرق يبرد منك و انتي بتشطفيه او بتغيريله هدومه.  في الجو الحر الطفل يلبس طبقة واحدة بس و تكون قطن و خفيفة علشان جسمه ميتبهدلش من الحر.  ساعات الطفل بيكون عمال يعيط حران مش حاجة تانيه.  بس لو هندخل مكان فيه تكييف يبقي لازم نغطي الطفل علشان ميبردش.  و نبعد بيه عن اي مكان فيه ...

الحموم بالنسبة للطفل المفروض يكون كام مرة كتير و لا قليل؟ طيب في خطورة علي الطفل من قلة الحموم او من كثرته؟ طيب ايه افضل طريقة لحموم الطفل؟ أسئلة كتير بتدور في عقل الام خصوصا لو طفلها حديث الولادة. في المقال ده هنتكلم عن فوائد و اضرار الحموم للطفل. اول حاجة لازم نعرف ان الاساس في حموم الطفل هي النظافة الشخصية للطفل. هنا الموضوع هيختلف علي حسب الاحوال الجوية و الصحة العامة للطفل. يعني لو الجو سقعة و خايف احمي الطفل علشان البرد ممكن احميه مرتين او تلاتة في الاسبوع و غير كده ممكن ننضفه بمناديل مبلله في اماكن تنايا الجلد علشان احافظ عليه من البرد. لكن لو الجو معتدل ممكن احميه يوميا بمياه فاتره وبلاش تكون دافئه اوي علشان ده ممكن يسبب جفاف لبشرة الطفل علشان بتكون خلايا الجلد مبتفرزش زيوت بنسبة جيدة علشان تحمي جلد الطفل من الجفاف. لكن بقي لو الجو حر و الرطوبة عالية ممكن ساعتها احميه اكتر من مرة في اليوم بس مهم ان فترة الحموم متطولش عن خمس دقايق برده علشان الطفل ميحصلوش مشكلة.. مهم برده ان الطفل بعد ما ياخد الشاور بتاعه اني معرضهوش لتيار هوا قدام مروحة او تكييف علشان ميحصل...

اطفال كتير حديثى الولادة بيكون فروة الرأس عندهم مليانة قشرة سميكة بتسبب شكل سئ للطفل و قلق مستمر للام.  اسباب ظهور القشرة : بتظهر القشرة دي نتيجة تركم الزيوت اللي يبفرزها الشعر علي شوية جلد ميت نتيجة تغيير الجلد وممكن قشرة كمان وده اللي بيسبب الطبقة السميكة من قشرة فروة الراس و ساعات كمان بيكون في فطريات و دي بتخلي الشكل سئ و كمان ممكن تفرز ريحة سيئة.  علاج قشرة الشعر : طيب علاج الموضوع ده بيكون صعب و مزعج و لا الموضوع بسيط و علاجه سهل؟  الموضوع بسيط و علاجه سهل جدا ممكن نستخدم كذا طريقة هنعالج بيها الموضوع ده.  1 - زيت الزيتون : زيت الزيتون ده حاجة رائعة و ليه استخدامات كتيرة في ترطيب الجلد و الشعر.  ممكن ندلك بيه فروة الراس و بعدين نسرح الشعر بمشط رفيع وده هيساعد علي اختفاء القشرة بسرعة.  2 - زيت جوز الهند :  من الحاجات المفيدة برده زيت جوز الهند ممكن نحط جزء علي راس الطفل قبل ما ينام و ندلك الفروة برفق و بعدين نتركه للصبح و بعدين نسرحله هنلاقي برده نتيجة هايلة. 3 - الفازلين الطبي : نفس الوضع زي زيت جوز الهند، نحط شوية و ندلك فر...