قياس حرارة الطفل

من الحاجات المهمة اللي لازم تكون الام تعرفها هي 

ازاي تقيس حرارة الطفل و ايه افضل مكان يتحط فيه الترمومتر و اي هي درجة الحرارة الطبيعية للطفل و امتي تقدر تديه خافض حرارة علشان حرارته عالية... 

اسئلة كتير هنحاول نجاوب عليها في المقال ده علشان كل ام تسفيد منه... 

اولا -  لازم نعرف ايه افضل مكان لوضع الترمومتر :

افضل مكان نحط فيه الترمومتر هي فتحة شرج الطفل.
بس ده بالنسبة للطبيب علشان هو يعرف يحط الترمومتر بصورة سليمة من غير ما يسبب ضرر للطفل.
لكن الام يفضل انها تخط الترمومتر تحت ابط الطفل علشان ممكن و هي بتحطه في فتحة الشرج يدخل بزاوية غلط تجرح شرج الطفل.
او ممكن نستخدم الترمومتر اللي بيقيس درجة الحرارة عن طريق الاذن
ويفضل طبعا الترمومتر اللي بيتغير الراس بتاعته علشان ميعملش تلوث للطفل.



ثانيا - افضل ترمومتر للقياس بصفة عامة :
طبعا احسن ترمومتر للفياس هو الترمومتر الزئبقي.
اللي هو الترمومتر الزجاج بس ده لازم يكون اللي بيستخدمه يعرف يقراه كويس علشان ده بتكون القرأه بتاعته صعبة شوية.

ثالثا - ايه هي درجة الحرارة الطبيعية للطفل :
درجة الحرارة الطبيعية للطفل من 36.8 لحد 37.6 بتختلف برده علي حسب الجو الحار او البارد و الطفل نايم ولا صاحي.
اكتر من كده يبقى الطفل دافي ولازم اتابع حرارته و ممكن اعمله كمادات او اديه خافض حرارة.

رابعا - طريقة قراءة الترمومتر :
 لو اتحط تحت الابط بزود علي القراءة اللي انا شايفها نص درجة ولو حطيت الترمومتر في فتحة الشرج بنقص من القراءة اللي انا شايفها نص درجة علشان اعرف حرارة الطفل.

ممكن اقدر ادي خافض حرارة لو درجة حرارة الطفل اكتر من 38 درجة مئوية
بدي سيتال للاطفال لحد عمر 6 شهور و ممكن ادي بروفين للأطفال اكبر من 6 شهور و بدي كتافلاي او دولفين للأطفال اكبر من سنة.

دكتور حاتم فاروق