دكتور حاتم فاروق

الجدري المائي عند الاطفال , اعراض الجدري , علاج الجدري الجدري المائي من الأمراض المنتشرة عندنا في مصر. في ناس كتير بتفتكر ان اي حبوب جواها ميه تظهر عند الطفل تبقى جديري علشان  كده هنتكلم هنا عن الموضوع ده بالتفصيل. اول حاجة لازم نعرفها ان الجديري بيصيب اي سن يعني مفيش سن معين للإصابة  كبير صغير كله ممكن يتصاب... بس هو غالبا بيظهر في الأطفال علشان هو بيدي  مناعة للي اخده فعلشان كده لو حد كبير اخده قبل كده مش هيظهر عليه تاني. أعراض الجدري المائي : اول حاجة ممكن تبدء بحرارة خفيفة درجة زيادة مثلا و بعدين تبدأ الحبوب تظهر  بكثافة تبدأ في الوجه و تنزل علي باقي الجسم. الحبوب بيكون فيها ميه و علشان كده سموه الجديرى المائى ممكن الحبوب دي تظهر في اي مكان في الجسم ممكن تطلع في فروه الراس في الفم  في العين ممكن تطلع في اي مكان. و بيكون انتشارها سريع و كتير جدا و بتعمل حكه جامدة. اقرا ايضا : فوائد فيتامين سى للطفل و طرق الحصول عليه الجديري المائي و طرق العدوى: الجدري المائي  بقي من الأمراض اللي عدوتها سهلة اوي لان العدوي بتحصل عن ...

تأخر الكلام عند الأطفال - و هل الطفل محتاج جلسات تخاطب ؟؟؟ السلام عليكم ورحمة الله وبركاته هنتكلم في المقال ده عن تأخر النطق عند الاطفال . وتعليم الطفل الكلام  قبل اي شئ لابد و ان  نعرف مراحل التطور اللغوي عند الطفل علشان نقدر نحدد اذا  كان الطفل يعانى من تاخر فى الكلام و محتاج جلسات تخاطب ام لا ... - يستطيع الطفل ان ينطق على عمر الشهر التاسع و ان يقول كلمة مثل بابا مثلا لان    حرف الباء من  الحروف السهلة اسهل من حرف الميم علشان كده بيقول بابا قبل ماما. - علي عمر سنة و نص كده تبدء تطور اللغة عنده بحيث انه يقدر يقول عشر كلمات...  بابا    ماما   قطة   بابا   بحر.... وكده يعني مش لازم تكون الحروف واضحة اوي بس  احنا  بنكون فاهمين هو بيقول ايه و بيكون بيفهمنا كمان كويس يعني يقدر ينفذ الاوامر  البسيطة زي افتح الباب... هات التليفون و كده يعني - بعد كده بيفضل الطفل يطور من نفسه بحيث انه علي سنتين كده يبدأ يربط كلمتين  ببعض.... زي افتح باب   بابا جه.... اشرب لبن و كده - وعلي ...

الحول عند الاطفال الرضع موضوع مهم جدا و بيعمل ارق لناس كتير امهات كتير بتحس ان اطفالهم في السنة الاولي عندهم نسبة حول.... لازم نعرف في البداية ان الرؤية عند الطفل بتبدء تكتمل فى الشهور الاولي للطفل و التناسق بين كلتا العينين بياخد اول اربع او خمس شهور الاولي من العمر. يبقي لو انا ملاحظ حول عند الطفل لازم يختفي عند 6 شهور و لو مختفاش يبقي لازم دكتور يفحص الطفل كويس... ومهم برده نعرف ان في حول كاذب يعني الطفل بيكون عينه صغيرة و الجزء من الانف اللي بيفصل بين العينين بيكون عريض علشان كده بيبان ان في حول مع ان العين بتكون سليمة.. وده مفيهوش مشكلة . اما الحول الحقيقي بيكون نوعين: حول انسى    .. وده العين بتحدف لجوه وده بيحصل بعد الولادة و حول وحشي    .. وده العين بتحدف لبره و بيحصل بعد السنة  . المهم الموضوع ده بيكون برده ليه عوامل وراثية وبيكون علاجة اما النظارات او الكمادات او قطرات وساعات بنحتاج لجراحة علشان نصلح الحول . المهم منتأخرش علشان كل ما كان التشخيص بدي كل ما كان العلاج سهل ونقدر نعالج الطفل.... لو الموضوع ده انت مش بتعاني منه شير...

العنف عند الاطفال..... موضوع مهم جداً و منتشر الفترة الاخيرة خصوصا فى المدارس.... ابني او بنتي اما بيضربوا زمايلهم و اما زمايلهم بيضربوهم حاجتين اسوء من بعض.... لو ابني عنيف مع زمايله لازم اعرف ان العنف ده نتيجة اسباب كتير . الطفل ده بيخرج طاقة مكبوتة داخله نتيجة تعرضه هو للعنف اما من الاب و الام او الاخوات او لكثرة المشاكل المنزلية امامه او من ضعف الاهتمام به فبيكون عاوز يظهر امام زمايله بانه قوي و يكون محط اهتمام من حوله و ساعات برضه بيحصل مع الطفل لعدم الفهم زي ما يلاقي الناس ضحكت ساعة ما هو ضرب ابوه او امه فبيقتكر ان ده حاجة عادية. الطفل ده علاجه و التعامل معاه لازم يكون بأزالة السبب يعني بلاش عنف معاه في البيت من الاب او الام او الاخوات و لازم نعطيه جزء كبير من الاهتمام و المودة و التوجيه.. بلاش يتفرج على الافلام اللي مليانه عنف و ساعات بيجيبوا اطفال مشاغبة على اساس انهم حاجة ظريفة و كده...... والطفل ده في الغالب بيختار طفل اقل منه في التكوين البدني او في السن علشان يمارس معاه العنف زي ما بيحصل معاه من الاكبر منه... الطفل التاني ده بيكون ابنك اللي بيضرب.... ايواان ...

الحساسية عند الطفل  سواء كانت حساسية صدر او انف دي من اكتر الامراض المزعجة للطفل والاهل  المشكلة انها بتكون عبارة عن ادوار متكررة كل شوية الطفل تعبان.... كحة و برد و صعوبة في التنفس و ساعات حرارة. مشكلة يتحصل كل فترة و بتحتاج ادوية كتير علشان تتحسن.  اول حاجة لازم نعرفها ان في الاول مهم جدا ان احنا نفرق بين دي حساسية صدر او انف علشان بتختلف في العلاج..  اولا مهم ان احنا نحاول نمنع المسببات الاول.  يعني بلاش الطفل يتعرض لروايح جامدة... تدخين برفانات بخور.... اي ريحة جامدة بلاش  نحاول برده نمنع الطفل من الاماكن اللي فيها اتربة و غبار.  بلاش يلعب مع الحيوانات اللي بتطلع شعر زي القطط او الطيور اللي ممكن تساعد ان صدرة يقفل.  نحافظ عليه من البرد قدر الامكان  نغذية كويس ندية تطعيماته خصوصا تطعيم الإنفلونزا.  نبعده عن اي طفل مريض علشان نتفادي العدوى....  بالنسبة بقي للعلاج : في نوعين من الادوية :  - ادوية علاجية ... و دي ادوية بنديها للطفل اما يكون عيان زي موسعات الشعب و ادوية الحساسية و سا...

الحقني يا دكتور ابني شرب ازازة الدوا كلها او ابني دخل لعب في الدرج بتاعي و خد شريط الحبوب كله.. حاجات كتير بتحصل ان الطفل يحط حاجات كتير في بقه المفروض انه ميحطهاش و بعدين للاسف بيبلعها امتي اقلق اوي وامتي احتاج اتصرف بهدوء شوية و اتصرف ازاي. - حالات اتحرك فورا علي مركز السموم : - ادويه السكر و الضغط - ادوية المخ و الاعصاب - الادوية اللي تحتوي علي الحديد - الادوية اللي تحتوي علي باراسيتامول - ادوية الكحة اللي تحتوي علي ثيوفيللين. - حالات ممنوع فيها غسيل المعدة : - لو الطفل شرب مثلا بنزين او كلور او ميه نار او بوتاس او صودا كاوية او اي حاجة من البلاوي دي... - حالات ينفع فيها غسيل المعدة. : - المضادات الحيوية - الصلصال - زئبق الترمومتر - المواد اللي بتحفظ الملابس ( النفتالين) - حبوب منع الحمل - معظم الادوية بأستثناء الادوية اللي زكرناها في الاول وبعدين يا جماعة كلمة يحفظ بعيدا عن متناول الأطفال دي كلمة مهمة و نركز فيها.... دكتور حاتم فاروق 

دي شوية علامات لو شوفناها علي الطفل لازم نتحرك و نعرضه علي الدكتور... ها جاهزين؟؟ 👂👂👀 - طفل لسة مولود و معملش حمام براز في اول 36ساعة - طفل رافض رضاعة مع سخونية و نهجان. - طفل عنده خمول و كسلان و لونه بقي اصفر او ازرق. - طفل عمره شهرين ونص و مش بيبتسم اما حد يلاعبه. - طفل اربع شهور و مش بيصلب راسه. - طفل في حول في عينه وهو اكبر من 6 شهور. - طفل مش بيقعد لواحده اكبر من 9 شهور. - طفل مش بيمشي و اكبر من سنة و نص. - طفل اكبر من  سنه ومش بينطق ولا كلمه. - طفل حصله سخونية و تشنجات اتكررت اكتر من مرة او  قعدت اكتر من 10 دقايق. - طفل عنده امساك مصحوب بترجيع اخضر او انتفاخ. - طفل اتعرض لخبطه في الراس عملتله فقدان للوعي او    ترجيع او تشنجات... خلي بالكم....... كفاية كده نحفظ دول دلوقتى......... سلام 😊 دكتور حاتم فاروق 

بداية الاكل الصلب للطفل انا عارف ان في اطفال بتكون متعبة في الاكل. 😏 اللي بيقفل بقه و اللي بيحوش الاكل جوه و اللي بعد ماا يخلص الاكل كله و اول ما امه  تبتسم انها خلصتله الاكل يقوم مرجع الاكل كله 😇😯 علشان كده في امهات كتير بتستسهل انها تدي الطفل الاكل مضروب في الخلاط لحد  سن كبير... اقرا ايضا : اكل الطفل فى الشهر السادس علشان الطفل مش بيرضي ياخد غير بالطريقة دي.... بس انا بقولك ان ده غلط و مينفعش ان احنا نستمر  فيه من سن تسع شهور لازم الطفل يتعود  انه ياكل اكل مهروس اكل صلب علشان يتعود يمضغ وده هيكون مفيد ليه و لتغذيته .... 👍👍 معلش اتعبي معاه شوية كمان  😊 😊 عوديه انتي علي الصح متخليش الطفل هو اللي يعودك 😊 دكتور حاتم فاروق 

ازاي اتعامل مع الطفل اما يجيله اسهال اما الطفل يجيله اسهال لازم ناخد بالنا علشان ميحصلش جفاف 🤔🤔 علشان الجفاف بيحصل لما السوايل اللى تخرج من الجسم تبقى اكتر من اللى تدخل 👌👌 طيب نعرف الجفاف ازاى؟!!! تلاقى جلد الطفل كرمش عينه دخلت لجوا ريقه ناشف و ملهوف على الشرب 🤒🤒 طب ايه الحل؟ 🤔🤔 اول حاجة اشوف فيه ترجيع ولا مفيش علشان لو فى ترجيع نحاول نوقفه الاول بان احنا نقلل السوايل اللة الطفل بيشربها فى المره الواحدة يعنى اديه شوية صغيرين اول باول بلاش كميه كبيرة مرة واحدة وممكن اديه دوا للترجيع او حتى حقنة 💉💉💊💊 و بعدين ابدء اعالج الاسهال و اشرب الطفل سوايل اهم سوايل ممكن يشربها هى اكياس محلول الجفاف ايوا هى اه اللى طعمها وحش و الطفل مبيرضاش يشربها هى دى اصبرى عليه شوية و هو هيخدها هاتيله اللى بالبرتقال دى و نبردها فى التلاجة شوية و بعدين نديهاله هيشربها ساعتها بوصى يا مدام  👀👀 هنحلى الكيس فى 200 سم ميه و نديها للولد ببطء احنا مش مستعجلين يعنى كل دقيقتين معلقة يشرب لحد ما يرتوى بس ببطء و نشوف نوع الاسهال يعنى لو ريحته وحشة و ممخط او معرق بدم يبقى ط...

المقال ده مهم جدا يا جماعة ولازم كلنا نقراه كويس.... المقال ده هنتكلم فيه عن العلامات الخطيرة اللي لو شفتها على الطفل لازم اهتم بيها و أتحرك بسرعة علشان اطمن علي ابني... 👀👀 - بكاء حاد. او الطفل مش قادر يعيط. او بكاء متصل غير اللي انا متعود عليه من ابني.. - نقص الاستجابة.... الطفل مش مركز. مش واعي. كسلان بزيادة علي غير عادته. - انتفاخ فتحة النافوخ... الاطفال في السنة الاولي بتكون في حتة طريه في نافوخه لو لاقيتها مرتفعة او عالية عن مستوي راسه تبقي دي علامة خطيرة. - صعوبة في التنفس. يعني الطفل عمال ياخد نفسه بالعافية و عمال ينهج. او ينت في النفس و صدره طالع نازل. - قئ مستمر ولو نازل فيه لون غامق اصفر او اخضر. - حرارة عالية فوق 38 للاطفال اصغر من تلت شهور او اكتر من 39 للأطفال الاكبر.. - طفل يكون جسمه سخن و أطرافه ساقعة او مزرقة. - طفل بيتشنج او فاقد الوعي او التركيز او مش قادر يصحي من النوم. - طفل مش قادر يستحمل الضوء. - طفح جلدي احمر مزرق و مبيختفيش لما اضغط عليه... لو حسيت ان في حاجة من الأعراض دي عند ابنك لازم تهتم و تتحرك بسرعة للدكتور علشان يطمنك عليه ...

يعنى ايه نعود الطفل على الاكل؟!!! يعني الطفل بيكون مش عاوز و احنا بنحاول نضغط عليه.... الطفل اللي أول ما يشوف الاكل ده يقعد  يصقف و يخلص الاكل ده مش موجود... 😊 لازم نتعب مع الطفل شوية و نحاول مرة واتنين و عشرة لحد ما يبدء يستقبل الاكل كويس... لو ادينا الطفل نوع اكل و محبهوش نستني شوية و نعرضه تاني لان اعصاب التذوق عند الطفل بتتغير كل  أسبوعين و ساعات  كمان بتتاثر بأعراض البرد او التسنين عند الطفل... بنحاول ننوع في الأكل علشان الطفل ميزهقش..... بنحاول نثبت مواعيد الاكل علشان جسم الطفل يتعود على كده و يبدأ يطلب الاكل في المواعيد دي... بعد  السنة معندناش موانع في الاكل الطفل ياكل معانا بلاش الاكل  بتاعة اللي طعمه مش  حلو ده .. ياكل معانا بملح و سكر وو توابل بس  في المعقول..... لازم يكون الاكل مفيد يعني خضار و  فاكهة و منتجات الألبان والبروتين. اطفال كتير بسألهم مش بتاكل ليه  يقولي علشان مش عاوز اتخن 😕😕 اه والله بيقولولي كده بلاش الكلام عن الدايت و عاوزين نخس علشان جسمنا بقي وحش قدام الولاد علشان بيتأثروا بالكلام ده....

موضوع مهم جدا يا جماعة و خطير علي صحة ولادنا.... احنا طبعا عارفين ان الطفل فى السنة الأولى من العمر بنديلهه فيتامين د الغير نشط  اللي هو vidrop.... وده بيكون مهم جداً علشان التكوين البدني للطفل واللبن ضعيف بالنسبة لفيتامين د....  علشان كده لازم الطفل ياخده.. وده بيكون آمن جدا بالنسبة للطفل ومفيد..... المشكلة بقى ان من فترة و الفي دروب ده ناقص و ملهوش بدايل  للاسف...... فأبتدي بعض الأطباء و الصيادلة في صرف نقط فيتامين د نشط بدلا منه كعلاج  وقائي..  زي الالفا كارينو مثلا او الالفا كالسيدول...... هنا بقي الخطورة الكبيرة على الطفل.... اقرا ايضا : علامات نقص الكالسيوم  فيتامين د النشط ده يا جماعة مش علاج و قائي و مينفعش يتاخد كمكمل غذائي خطر  جدا انه يتاخد بدون سبب اساسي زي النقص الحاد في فيتامين د نتيجة امراض تانية... المشكلة انه غالي شوية فالناس بتفتكر انه من النوع النضيف بقى و هيجيب نتايج  حلوة مع الطفل فيبدء الاهل  يستخدموه علي اساس انه ده فى مصلحة الطفل و ده  للاسف بيدمر الطفل من جوه من غير مناخد ...