قشرة الشعر عند الطفل

اطفال كتير حديثى الولادة بيكون فروة الرأس عندهم مليانة قشرة سميكة بتسبب شكل سئ للطفل و قلق مستمر للام. 

اسباب ظهور القشرة :
بتظهر القشرة دي نتيجة تركم الزيوت اللي يبفرزها الشعر علي شوية جلد ميت نتيجة تغيير الجلد وممكن قشرة كمان وده اللي بيسبب الطبقة السميكة من قشرة فروة الراس و ساعات كمان بيكون في فطريات و دي بتخلي الشكل سئ و كمان ممكن تفرز ريحة سيئة. 

علاج قشرة الشعر :
طيب علاج الموضوع ده بيكون صعب و مزعج و لا الموضوع بسيط و علاجه سهل؟ 
الموضوع بسيط و علاجه سهل جدا ممكن نستخدم كذا طريقة هنعالج بيها الموضوع ده. 

1 - زيت الزيتون :
زيت الزيتون ده حاجة رائعة و ليه استخدامات كتيرة في ترطيب الجلد و الشعر. 
ممكن ندلك بيه فروة الراس و بعدين نسرح الشعر بمشط رفيع وده هيساعد علي اختفاء القشرة بسرعة. 

2 - زيت جوز الهند : 
من الحاجات المفيدة برده زيت جوز الهند
ممكن نحط جزء علي راس الطفل قبل ما ينام و ندلك الفروة برفق و بعدين نتركه للصبح و بعدين نسرحله هنلاقي برده نتيجة هايلة.

3 - الفازلين الطبي :
نفس الوضع زي زيت جوز الهند، نحط شوية و ندلك فروة الرأس ونسيب الطفل فترة و بعدين نسرحله هيكون تمام بعد كده.

4 - الشامبو :
في شامبوهات مخصوصة للموضوع ده بتساعد على زوال القشرة دي سريعا ممكن نغسل بيها شعر الطفل و ننشفه كويس بعد كده هنلاقي برده نتيجة هايلة.

في بقي ساعات بتكون حالات مرضية و الموضوع بيكون صعب شوية وبنحتاج انواع معينة من الكريمات و الادوية اللي بتساعد علي شفاء الحالات الصعبة او المنتشرة بصورة كبيرة عند الطفل.
بس في الاخر الموضوع بسيط وعلاجه سهل ان شاء الله ومش مؤذي للطفل تمام.

دكتور حاتم فاروق