دكتور حاتم فاروق

كل ام عندها طفل صغير بتبقي نفسها  تدربه علي  استخدام البوتي و التخلص من استخدام الحفاضة و بتبقي مش عارفة تبدأ امتى و  تبدأ ازاي. في  الفيديو اللي هنعرضه دلوقتي هنتكلم عن الموضوع ده بالتفصيل ده بالتفصيل وازاي نتعامل مع الطفل 

امهات كتير بتعاني من مشكلة ان الطفل مش بينام كتير او بيفضل صاحي طول الليل و عاوز حد قاعد جنبه علطول او انه بينام فترة قصيرة و يقلق بسرعة. في المقال ده هنتكلم عن بعض النصائح اللي ممكن تساعد في ان الطفل ينام فترة طويلة و بأنتظام... 1 - اول حاجة مهم ان الطفل يكون بحالة صحية جيدة   يعني مش عيان مش بيسنن مثلا مفيش حرارة او اي حاجة مرضية ممكن تخليه مش عارف ينام كويس. 2 - حاولي تعوديه انه ياخد حمام بالليل بماء دافئ ده هيساعده علي الاسترخاء و النوم. 3 - ممكن نقرا قصة او نغني له اغنية قبل النوم ده برضه هيساعد انه ينام كويس. 4 - حاولي انك تنظمي مواعيد النوم يعني ينام و يصحي في ميعاد ثابت يوميا. ده كمان هيساعده انه ينام كويس. 5 - لازم المكان اللي ينام فيه يكون هادئ و فيه اضاءة خفيفة و مش كل شوية نعمل دوشة حواليه. 6 - مهم ان احنا منسبش الطفل ينام فترات طويلة بالنهار علشان يعرف ينام بالليل كويس. لو التزمنا بالنصايح دي غالبا الطفل هينام نوم هادئ و لفترات متصلة و ده هيساعد ان الطفل ينمو بشكل جيد. دكتور حاتم فاروق 

ازيكم المقال ده يا جماعة انا هكتبه علشان الامهات اللى عندهم اطفال صغيرة مجننهم شوية يعنى لسه مولودين او عمرهم كام شهر كده بس ايه عيال مبتنمش صريخ متصل  عياط مبيفصلش حزق كتير  اسهال ترجيع البيبى مش بيكبر بسبب الحاجات دى والام عندها انهيار حاسة ان فى مشكلة كبيرة بس مش عارفة ايه الحل بوصى بقى. اول حاجة لازم نعرفها ان الطفل الطبيعى بينام و بيعيط . مفيش طفل بينام على طول ولا طفل بيعيط على طول . انا بتكلم عم الطفل الاوووفر اللى بيعيط طول الوقت . تانى حاجة فى اطفال بيكون الحزق عندهم زيادة شوية اول ٣ شهور وده طفل بيحزق طول الوقت و مبيعيطش يعنى ممكن يحزق و هو رايح فى النوم كمان سيبك من ملامح وشه اللى بتتغير ده برضه عادى . المشكلة بقى فى العيل المبالغ فيه اللى انا اتكلمت عليه فى اول البوست . حاجة مهمة اوى انك تشكى ان الطفل ده عنده حساسية لبن . اه حساسية الالبان دى بشوية تظبيط فى الاكل للام اللى بترضع طبيعى اسبوع اسبوعين بالكتير خلص الموضوع اما الطفل اللى بيرضع صناعى فى البان مخصوصة للموضوع ده بعيده عن حليب الابقار . طبعا بالكشف مع تحليل بسيط بنتاكد ان...

كتير من الأطفال بيكون تحت عينهم موجود منطقة سوداء او لونها غامق عن لون  جسمهم. اول حاجة بتيجي في دماغ الاهل ان ابنهم ضعيف و اللون الغامق اللي تحت العين ده  بسبب ان ابنهم ضعيف. لكن في اسباب كتير للون الغامق تحت العين و في الفيديو ده هيوضح لنا الموضوع ده بالتفصيل 😊

اطفال كتير عندهم نسبة اصابة من الحساسية سواء كانت حساسية انف او حساسية الصدر و بيتكرر عليهم ادوا متكررة من التعب سواء بكحة او صعوبة في التنفس و نهجان و  احيانا بيحتاجوا تدخل سريع عن طريق جلسات الفاركولين و غيرها مهم جدا ان  احنا نعرف نتعامل مع الاطفال اللي بيعانوا من المرض ده علشان نقدر  نسيطر علي الدور من غير  ما  يتطور معاهم الفيديو ده هيوضح ازاي ممكن نتعامل مع الطفل اثناء المرض و حتي في الفترات اللي  الطفل كويس فيها ازاي اقدر اني احسن المناعة بتاعته واحميه وهل في ادوية انا محتاج امشي ابني عليها في فترة الشتاء و لا  مش محتاج وهل في إمكانية ان ابني يخف من الحساسية نهائيا ولا هتفضل معا طول الوقت.

يعتبر تطعيم الروتا من اهم التطعيمات الإضافية للاطفال و الروتا ده عبارة عن فيروس بيسبب النزلات المعوية للاطفال اللي غالبا بتكون شديدة و بتؤدي بنسبة كبيرة لحدوث جفاف للطفل او الحجز بالمستشفيات للعلاج. علشان كده التطعيم ده مهم بنسبة كبيرة لحماية الطفل اول خمس سنوات....

علامات نقص الكالسيوم  و اسباب نقص الكالسيوم و علاجه  يعتبر الكالسيوم من العناصر المهم توافرها بنسبة جيدة في جسم الاطفال و الكبار مهم للطفل و الام في تكوين الكتلة العضلية و تكوين العظام عند الطفل. اسباب نقص الكالسيوم :  1 - من اهم اسباب نقص الكالسيوم الاعتماد علي الرضاعة الصناعية بالبان غير جيده   او اللبن البقري 2 - نقص فيتامين د و ده بيحصل بنسبة كبيرة للاطفال اللي مش بتتعرض للشمس. 3 - وجود خمول في عمل الغدة الدرقية 4 - سوء التغذية. اقرا ايضا : علاج تقوس الساقين عند الاطفال اعراض نقص الكالسيوم : 1 - صعوبة النوم. 2 - العصبية. 3 - الم في العضلات 4 - رعشة للطفل 5 - حركة اهتزازية في الاطراف. 6 - تشنجات. 7 - نوبات فقدان الوعي. اقرا ايضا : علامات مقلقة فى السن الصغير علاج نقص الكالسيوم : 1 - اهم حاجة ان احنا نحافظ علي الرضاعة الطبيعية للطفل 2 - اكل الطفل لازم يكون غني بالكالسيوم. 3 - التعرض للشمس علشان نرفع مستوى فيتامين د 4 - الابتعاد عن اللبن البقري و اني ادي لبن صناعي مدعوم بالكالسيوم. 5 - ممكن ادي الطفل ف...

نسبة زيادة وزن الطفل  امهات كتير بتهتم بمعرفة ميزان الطفل هل هو مناسب؛ ضعيف ولا مناسب لسنة و لا هو محتاج يتغذي اكتر. اولا لازم نعرف ان كل طفل بيختلف عن التاني؛ يعني مش لازم كل الاطفال يكونوا  نفس  الوزن في نفس العمر. في طبعا اختلافات فردية بين الاطفال. المهم ان احنا نتابع الزيادة الشهرية للطفل الرضيع و نشوف اذا كانت مناسبة  و لا  مش تمام. اقرا ايضا : اطعمة تزود وزن الطفل اولا الطفل بيتولد في حدود 3.300 كيلو جرام لكن في أطفال بتتولد 2500 واقل و في  اطفال بتتولد 4500 جرام كل طفل بيختلف في ميزانه عن التاني في نفس العمر - اول اربع شهور الطفل بيزيد حوالي 750 جرام كل شهر يعني بمعدل 3 كيلو اول  اربع  شهور. - تاني اربع شهور بيزيد الطفل حوالي 500 جرام كل شهر يعني بمعدل اتنين كيلو في الاربع شهور. - اخر اربع شهور في السنة الطفل بيزيد حوالي 250 جرام كل شهر. يعني حوالي كيلو واحد في الاربع شهور. - بعد الطفل اما يتم السنة الطفل بيزيد بمعدل اتنين كيلو سنويا. طبعا الاوزان دي مش لازم تكون بالظبط يعني ممكن يكون نسبة 25%...

يعتبر الموز من اهم الأغذية اللي تتقدم للطفل منذ الصغر و برده بيعتبر من الأكلات المحببة للاطفال بصفة عامة اهم فوائد الموز : 1 - معروف عن الموز انه بيحتوي علي نسبة كبيرة من البوتاسيوم اللي بيفيد في نسبة كبيرة في حالات الاسهال علشان كده بيفضل ان احنا ندي الموز للاطفال المصابين بالنزلات المعوية. 2 - برده الموز غني بنسبة كبيرة من الكالسيوم اللي بيساعد في تقوية عظام الطفل و بيساعد في مراحل التطور الحركي للطفل. 3 - بيحتوي علي نسبة كبيرة من الالياف علشان كده بيسهل عملية الهضم عند الاطفال. 4 - بيزيد من نشاط الطفل و حيويته. 5 - الموز بيحتوي علي  بكتيريا نافعة مما يزيد من مناعة الطفل. 6 - يعتبر الموز مصدر اساسي لحمض الفوليك و الاملاح المعدنية. 7 - بيساعد الموز في علاج فقر الدم. و كمان ممكن الام تقدم الموز بطرق كتيرة و في اصناف اكل كتير علشان الطفل يقدر ياخده 

طبعا في الصيف بيكتر بقي مرواح المصايف و النوادي والولاد طبعا بينزلوا حمام السباحة و مش بيرضوا يطلعوا. المشكلة ان في مواد بتكون في مية حمام السباحة زي الكلور مثلا بتكون محطوطة علشان تقتل البكتريا في المية بس الكلور ده بيأثر علي شعر الطفل تأثير سلبي علشان نحافظ على شعر ولادنا ممكن نعمل شوية حاجات هتفرق كتير معانا : 1 - قبل الطفل ما ينزل دلكي شعره بالزيت بتاعه سواء كان زيت اطفال او زيت زيتون او جوز هند ده بيعمل طبقة عازلة تحمي الشعر بنسبة كبيرة. 2 - ممكن نبلل الشعر بميه عادية من غير كلور قبل ما الطفل ينزل ده بيساعد ان الشعر ميتفاعلش مع ميه حمام السباحة. 3 - اول ما الطفل يطلع من حمام السباحة نحميه بسرعة و ندلك شعره بسرعة 4 - نستخدم شامبو مرطب للشعر يكون مناسب لنوع شعر الطفل. 5 - نسرح شعر الطفل بسرعة لان ده هيساعد الشعر في انه يفرز زيوته الطبيعية. و بكده نكون قدرنا نحافظ علي شعر الطفل من التلف  باكبر قدر ممكن. 

استمرار الرضاعة الطبيعية من اهم الحاجات اللي لازم نحافظ عليها لما لها من فوائد كتيرة للطفل و الام علي السواء. بس طبعا ساعات كتير بيحصل التهابات في الصدر و تشققات في الحلمة مما يسبب الم شديد للام اثناء الرضاعة... طبعا في كريمات كتير لعلاج المشكلة ده و برده ممكن نستخدم بعض الوصفات الطبيعية لعلاج التشققات. 1 - زيت الزيتون : طبعا زيت الزيتون من الزيوت المرطبة للبشرة ممكن ندهن بيه الحلمة و طبعا نمسحها كويس قبل رضاعة الطفل. 2 - كمادات الشاي : ممكن نعمل كمادات شاي دافي و بعدين نعمل كمادات ماء بارد ده هيقلل من الالم بنسبة كبيرة 3 - لبن الام : ممكن ندهن الصدر باللبن الطبيعي و ندلك الحلمة باللبن ده هيساعد في علاج تشققات الحلمة. 4 - الجلسرين الطبي : ممكن برده الام تدهن بيه الحلمة زي زيت الزيتون كده بس مهم ان الام تغسل صدرها كويس قبل ما ترضع الطفل. و برده ممكن نحاول ان نعمل حاجات تانية تساعد ان الامور تتحسن. - ممكن نحاول ندي الطفل عن طريق الحلمة الصناعي - نرضع الطفل من الناحية اللي مش بتوجع اكتر - ممكن نعصر الصدر او نشفط اللبن و نديه في ببرونة لحد ما  الحلمة تخف. - ...

ساعات كتير بتكون الام بترضع طفلها رضاعة طبيعية والامور منتظمة و فجأة الطفل يمتنع عن الرضاعة و تبدأ مشكلة كبيرة بتواجه الام كل اما بتحاول ترضع الطفل. من الاسباب اللي ممكن تخلي الطفل يبطل رضعة اما مشكلة في الطفل او مشكلة عند  الام. في المقال ده هنستعرض اهم اسباب ترك الرضاعة. 1 - مشكلة عند الطفل :  - لو الطفل مصاب بدور برد و انسداد بالانف بيكون في  صعوبة في التنفس أثناء الرضاعة مما يؤدي لترك الطفل  الرضاعة الطبيعية - التهاب الاذن الوسطي من الاسباب المهمة - وجود فطريات بالفم - التهاب اللثة اثناء فترة التسنين - انشقاق سقف الحلق عند الطفل بيكون من اسباب ترك  الطفل الرضاعة. 2 - مشكلة عند الام : - التهاب الحلمة عند الام مما يسبب بتغير طعم اللبن - في اكلات كتير بتغير طعم اللبن - لو الام بتدهن كريم تشققات و مسحتش الكريم كويس - لبن الزعل... اه طبعا لو الام زعلانة او حالتها النفسية سيئة  ده بيغير طعم اللبن و بيمغص الطفل كمان. - لو الام بتستخدم عطور نفاذة الرائحة ممكن تخلي الطفل يرفض الرضاعة. - مشكلة في الحلمة انها تكون مش ظاهرة كويس فالطفل مش عار...

أطفال كتير ساعة الولادة بنلاحظ عندهم وجود وحمة دموية. ممكن تظهر الوحمة دي في اي حتة في الجسم الظهر البطن الراس الأطراف الوجه اي مكان. انواع الوحمة الدموية :  يوجد انواع كتير للوحمة الدموية اللي بتظهر للاطفال و منها - وحمة الورم الوعائي :   و دي بتكون الوحمة فيها شبه  الفراولة و غالبا دي بتختفي مع عمر 10 سنوات يعني الطفل  مش بيكبر بيها. - وحمة بورت واين :   و دي في الغالب بتكون مستديمة و  مش بتختفي مع الوقت. - وحمة السلمون :    و دي غالبا بتختفي مع الوقت و مع نمو  الطفل. أسباب الوحمة الدموية : - ممكن تحصل بسبب تراكم الاوعية الدموية تحت الجلد - ممكن نتيجة عامل وراثي. - ممكن نتيجة تشوهات بتحصل ساعة نمو الخلايا الصبغية. أقرأ ايضا : زيوت تحمى جلد الطفل من اشعة الشمس.  علاج الوحمة الدموية : طبعا الوحمات اللي يتختفي مع الوقت بسبها تختفي لواحدها. اما الوحمات الثابتة هي اللي بتحتاج للعلاج. في طرق كتير لعلاج الوحمة الدموية - ادوية الكورتيزون - جلسات الليزر - علاج بالتبريد - احيانا بنحتاج للتدخل الجراحي 

الصيف بدء و كله طالع المصيف. ومن اكتر المشاكل اللي بنواجها هناك هو التعرض للشمس و إلتهاب جلد الاطفال بسبب التعرض للشمس علشان كده لازم نستخدم دهانات تحمي الطفل من أشعة الشمس الضارة ودي لستة لبعض الزيوت الطبيعية اللي ممكن نستخدمها لحماية جلد الطفل. زيت جوز الهند: من أفضل الزيوت على الإطلاق فملمسه خفيف جدًا، ونقاط قليلة منه تغطي بشرة طفلكِ بطبقة واقية ضد أشعة الشمس وتمنحه حماية لعدة ساعات ، ويساعد أيضًا على تهدئة الاحمرار والتهاب البشرة ويمنع التهابات الحفاض ويعالجها، ويستخدم لشعر طفلكِ أيضًا قبل التعرض للشمس وماء البحر، لحمايته من الجفاف والتلف. زيت الزيتون: يعمل على حماية طفلكِ من الجفاف وحروق الشمس، يستخدم كواقي من أشعة الشمس الضارة على الشاطئ، ويستخدم أيضًا بديلاً لكريم الحفاضات، يحمي بشرة طفلكِ ويرطبها بشكل ملحوظ، ويعد آمنًا تمامًا ولا يسبب أي حساسية للأطفال. زيت الجزر: يحتوي على أعلى معامل حماية من أشعة الشمس الضارة يصل إلى 40%، من أفضل الزيوت الطبيعية المضادة للأكسدة، يستخدم كصن بلوك مثالي للحماية من أشعة الشمس القوية وحروق البشرة. زيت جنين القمح: من الزيو...