فقر الدم عند الاطفال

يعتبر الحديد من العناصر الأساسية المهمة لبناء جسم الطفل بطريقة سلمية. 
و غالبا بيولد الطفل و في جسمه مخزون من الحديد يكفيه اول ست شهور 
علشان كده لو في نقص في عنصر الحديد عند الطفل بيبدأ يظهر بعد ست شهور.

علامات نقص الحديد : 
1 -  من اهم العلامات هي البطء في نمو الطفل، يعني الطفل  يكون بيزيد كويس و بعدين يبدأ زيادته تقل نتيجة ان  الهيموجلوبين عنده بيكون قليل.
2 - فقدان الشهية عند الطفل و يبدأ قابليته للاكل تقل عن  الاول.
3 -  زياده شحوب وجه الطفل و برده بيظهر الشحوب في كف ايد الطفل.
4 - سرعة ضربات القلب.
5 -  الارهاق المستمر و التعب.
6 - العرق الزايد خصوصا ساعة الرضاعة.


الوقاية من نقص الحديد :
1 - المحافظة علي الرضاعة الطبيعية علشان بالرغم من ان نسبة الحديد في لبن الام قليله لكن بتكون مناسبة جداً للحفاظ علي نسبة الهيموجلوبين جيدة
2 - الرضاعة الصناعي بلبن يكون مدعم بالحديد 
3 -  تقديم الوجبات للطفل الغنية بالحديد و من اشهرهم 
الفراخ و اللحمة الحمرا و البروكلي و الكبده و الشوفان وصفار البيض. 
4 - ممكن ندي عصير البرتقال او الجوافة مع الاكل علشان بيكون فيهم فيتامين C و ده بيساعد بنسبة كبيرة علي زيادة امتصاص الحديد. 
5 - ممكن نساعد بادويه و فيتامينات تحتوي علي الحديد. 

دكتور حاتم فاروق