ديما بتكون نصايح الجدة للام هي قص شعر الطفل علشان يتقل و ينعم و يزيد من
كثافته.
و يا سلام بقي لو نحلق للطفل زيرو هيخلي شعره جميل جدا...
للاسف النصيحة دي مش بس غلط، لا دي كمان مضرة جدا لانها بتموت خلايا كتير
من بصيلات الشعر و بتضعف الشعر كمان. علشان كده قص شعر الطفل مش بيكون
من الحاجات المفيدة اللي ممكن نعملها...
اولا لازم نعرف ان شعر الطفل اللي بيتولد بيه بيتساقط علي مدار السنة الاولي و اكتر
كمية بتنزل اول اربع شهور، علشان كده لما نلاقي شعر الطفل بيقع في الفترة دي
منقلقش و نحس ان في مشكلة، علشان ده طبيعي خالص.
طيب امتي اقدر اقص شعر الطفل؟
اقرأ ايضا : افضل زيت لتنعيم شعر الطفل
ممكن نقص شعر الطفل علي عمر العامين و لكن بشروط معينة.
1 - ممكن نقص شعر الطفلة لو هو طويل و مش مخليها عارفة تشوف كويس،
فبنقصرة شوية علشان مش يضايقها.
2 - ممكن نقص الاطراف بس اللي بيكون فيها الشعر متقصف و ضعيف.
3 - ممكن الام هي اللي تقوم بقص شعر الطفل علشان مش تخاف. بس بلاش تاخد
راحتها اوي و متقصش بزياده.
اقرأ ايضا : اطعمة تزيد وزن الطفل
4 - افضل وقت لقص شعر الطفل هو بعد الاستحمام.
يعني مهم نعرف ان فكرة قص شعر الطفل دي اصلا غلط و لو احتجناها بتكون
بالشروط اللي احنا قلناها بس.
دكتور حاتم فاروق
0 comentar_1
إرسال تعليق