 |
| تعليم الاطفال الالوان ممكن يجعلنا نكتشف ان الطفل مصاب بعمى الالوان |
امهات كتير بتسأل عن اعراض ضعف النظر عند الاطفال و كيف يمكن اكتشاف ذلك و ما هى اسباب ضعف النظر عند الاطفال و ما هى انواع عمى الالوان
و هل يمكن اكتشاف اصابة الطفل بعمى الالوان عند تعليم الاطفال الالوان .
عمي الالوان ده غالبا بيكون مرض يصيب الاولاد مش البنات، ولازم نعرف امتي الطفل يقدر يحدد الالوان بوضوح علشان نقدر نحدد اذا كان مصاب بعمي الوان او انه سليم. و هل ممكن اعمل للطفل اختبار عمى الالوان ؟
تعليم الاطفال الالوان :
اولا الطفل بيقدر يحدد الالوان الحادة زي الأبيض و الاسود علي عمر بضع أسابيع، و علي ست شهور الطفل بيكون لديه رؤية كاملة للالوان.علي عمر السنتين كده بيقدر الطفل يطابق الالوان ، يعني بيقدر يحط الالوان اللي زي بعض جنب بعضهم بدون تمييز الاسماء.
ويقدر يميز اسماء الالوان علي تلت سنين او اكتر شوية.
عمى الالوان مش معناه ان الطفل شايف كل حاجة ابيض و اسود، عمي الالوان غالبا بيكون في الالوان الاحمر و الاخضر و البني.
ما هى العلامات التى تجعلنا نشك ان الطفل مصاب بعمى الالوان ؟
1- استعمال الطفل اللون الخطأ عند التلوين.
يعني يلون الشجر باللون البنفسجي مثلا مكان الاخضر.
2 - الطفل يكون مش بيحب التلوين و مش مبسوط و هو بيلون.
3 - الطفل يكون مش عارف يميز الوان اقلام التلوين خصوصا الاخصر و الأحمر.
4 - لو الإضاءة خفيفة نلاقي الطفل مش قادر يتعرف علي الالوان.
5 - تمتع الطفل برؤية ليلية ممتازة و يكون عنده حساسية للاضواء الشديدة
6 - شكوى الطفل من الم في العين عند النظر الي حاجة حمرا علي خلفية خضراء او العكس.
لو كان عندنا شكوك مهم ان احنا نفحص الطفل خصوصا قبل دخوله المدرسة و لو كان عنده مشكله مهم برده ان احنا نعرف المدرسين بتوعه علشان يتعاملوا معاه علي هذا الاساس.
دكتور حاتم فاروق
0 comentar_1
إرسال تعليق