لازم يكون عندنا مبدأ ان احنا بندي الطفل الاكل علشان يفيده لكن لو هنديله حاجة تضره يبقي بلاش احسن ، و ان الطفل هياكل كل حاجة بس في وقتها.....
في بعض انواع من الاطعمة غير مفضل ان الطفل ياخدها قبل ما يتم عامه الاول.
هنتكلم هنا عن بعض الاطعمة اللي يستحسن ان الطفل ياكلها بعد ما يتم عمر السنة.
1 - اللبن البقري :
مهم ان احنا نفصل بين اللبن و منتجات الألبان زي الزبادي و الاجبان...
اللبن مينفعش يتاخد قبل السنة حتي و لو مخفف بميه الفكرة مش في تركيزه الفكرة في تركيبة اللبن نفسه.
اللبن قبل السنة ممكن يسبب حساسية للطفل.
2 - العسل الأبيض :
ناس كتير بتتعامل مع العسل انه خفيف و احسن من السكر علشان كده ممكن تديه للطفل في سن صغير علي اساس ان ده مش هيضره، بس الكلام ده مش مظبوط على فكرة.
العسل الأبيض بيحتوي علي نوع من البكتيريا جسم الطفل مش بيعرف يتعامل معاها غير بعد السنة.
3 - بياض البيض :
ممكن ندي الطفل صفار البيض من عمر سبع شهور علي اساس انه يكون مصدر البروتين الحيواني في غذاء الطفل، لكن البياض بيفضل بعد السنة علشان الوقاية من الحساسية للطفل.
4 - اللحمة :
من الاطعمة اللي الطفل مش بيعرف يهضمها في السن الصغير حتي لو كانت مفرومة برده الطفل مش بيعرف يستفيد من مكوناتها و بتتعب معده الطفل بنسبة كبيرة
دي اهم الاطعمة اللي يفضل تأخر إعطاءها للطفل حتي يتم عامه الاول و بعد كده ممكن نبدأ نديهاله..
ولازم نعرف ان الطفل هياكل كل حاجة بس في و قته
دكتور حاتم فاروق
شكرآ دكتور على كل فيديو اتنزلة النا
ردحذفشكرآ دكتور على كل فيديو اتنزلة النا
ردحذف😊😊⚘
حذف