امهات كتير مش بتعرف اذا كان ابنها بيشبع من الرضاعة ولا مش بيشبع ، و بتفتكر
ان اي عياط للطفل بيكون سببه جوع او حتى اما الطفل بيحط ايده في بقه لاي سبب
بتتوقع ان الطفل بيدور على اكل علشان جعان ، علشان كده في المقال ده هنحاول
نبين العلامات اللي بتخلينا نعرف اذا كان الطفل بيشبع من الرضاعة ولا مش بيشبع
١ - الزيادة فى الوزن
لو كان معدل زيادة الطفل في الوزن كويس يبقي اكيد الطفل بياخد كفايته من اللبن و
ان الطفل ده بيتغذي كويس ، يبقى من المهم جدا متابعة وزن الطفل كل فترة علشان
اقدر احكم على زيادته كويس
٢ - عدد مرات التبول عند الطفل
لو كان الطفل بيتبول عدد مرات مناسب ده معناه ان كمية السوايل اللي جسمه اخدها
مناسبة وان الطفل بياخد من اللبن اللى مكفيه وان الطفل ده متغذي كويس في حدود
ان البول ده يكون لونه فاتح و من عير رائحة نفاذة
٣ - عدد مرات التبرز عند الطفل
الطفل اللي بيعتمد على الرضاعة و بيعمل حمام لين و عدد مرات مناسب يوميا ده طفل
ياخد كفايته من الغذا و جسمة متغذي كويس
٤ - الرضاعة ببطء اخر الرضعة
الطفل في بداية الرضعة و هو جعان بيكون بيرضع بسرعة ى لكن اما بيبتدى يشبع
بيبدء يرضع ببطء شوية و ده بيكون علامة ان الطفل ابتدي يشبع
٥ - نشاط الطفل
الطفل النشيط بيكون علامة انه متغذي كويس اما الطفل الكسلان فممكن يكون علامة
على قلة الغذا بالنسبة للطفل ده كمان تفاعل الطفل الاجتماعي و التطور الحركي و
المهاري للطفل بيكون علامة علي كفاية الغذاء المقدم للطفل.
دكتور حاتم فاروق
0 comentar_1
إرسال تعليق