انيميا الفول - أسبابها و طرق علاجها

انيميا الفول - أسبابها و طرق علاجها 

انيميا الفول مرض وراثي منتشر في العالم كله مش في مصر بس

و بيكون سببها نقص في انزيم G6PD  

وده انزيم بيساعد كرات الدم الحمراء علي حماية نفسها من المواد المؤكسدة علشان 

كده اما يحصل نقص في الانزيم ده و بتعرض الجسم للمواد المؤكسدة بيحصل تكسير 

لكرات الدم و حدوث اعراض الانيميا.

لماذا انيميا الفول تصيب الذكور أكثر؟ 

الجين المسؤول عن الايميا دي بيكون علي الوكروموسوم x. 

الولد بيكون xy و البنت بتكون xx علشان كده الولد جين واحد بيظهر عنده المرض 

اما البنت لازم يكون عندها الجينين مصابين.

فبيكون المرض موجود في الولاد اكتر طبعا.

تشخيص انيميا الفول :

ممكن نعمل تحليل دم هيبان فيه نسبة الهيموجلوبين قليله و نسبة البيليروبين بتكون 

عالية شوية.

و ممكن نعمل تحليل لمعرفة نسبة الانزيم المسؤول G6PD. 

إقرأ ايضا : الجدري المائي اعراضه وعلاجه

اعراض انيميا الفول :

اما الطفل بيتعرض للمواد المؤكسدة اللي هنتكلم عليها دلوقتي بيبدأ يحصل تكسير في 

الدم و ظهور بعض الاعراض اللي لازم ناخد بالنا منها.

- الطفل بيكون وشه شاحب

- تعب من اقل مجهود

- ضيق في التنفس

- سرعة ضربات القلب

- اصفرار الجلد و العين

- تغيير لون البول بينزل غامق زي لون الشاي الخفيف.

انيميا الفول و الممنوعات ( المواد المؤكسدة) :

دي بقي الممنوعات اللي لازم نبعد عنها خالص في حالات الإصابة بانيميا الفول.

- البقوليات بجميع انواعها. الفول و العدس و الحمص و  اخطر حاجة لازم نبعد عنها 

خالص هو الفول الأخضر حباية  واحدة ممكن تكسر الدنيا ده حتي ريحته لو الطفل 

شمها  ممكن يتأذي.

- الاطعمة اللي فيها فيتامين سي زي الليمون و البرتقال.

- بعض الأدوية المسكنة و خوافض الحرارة زي الاسبرين  مثلا.

- الادوية اللي بتحتوي علي ماده السلفا

- بعض المضادات الحيوية زي الكلوروفينول

- مضادات الملاريا

و حاجات تانية كتير لازم يكون الاهل علي علم بيها.

إقرأ ايضا : تأخر الكلام عند الطفل 

ازاي اعتني بالطفل المصاب :

- لازم نكون علي معرفة كاملة بقايمة الممنوعات

- مراجعة كل ما يعطي للطفل

- التنبيه على كل من يتعامل مع الطفل من اقارب او في الحضانة بعدم اعطاؤه اي 

شيء بدون الرجوع للاهل.

- في حالة مرض الطفل يجب اعلام الطبيب المعالج بحالة الطفل.

- عمل فحص دوري للطفل.

- اما الطفل يكبر شوية ممكن نتكلم معاه و نشرحله حالته و نوعيه علشان يعرف 

يتعامل..

علاج انيميا الفول :

طبعا لو اكتشفنا الحالة بعض ظهور الاعراض اما تزيد عني الطفل لونه يصفر و البول 

بتاعه ينزل غامق بيبقي علي حسب نسبة الهيموجلوبين في جسمه و غالبا بيحتاح 

نقل دم بسرعة.

و بعد كده لو بعدنا الطفل عن الممنوعات غالبا مبيحصلش تكسير في الدم تاني و 

مبيحصلش نقل دم تاني.

و كمان لو كان النقص في الانزيم جزئي بيتحسن الوضع مع الوقت و الجسم بيعالج 

نفسه و الحالة بتتحسن.

لكن يفضل العلاج الاساسي هو الوقاية و البعد عن المواد المؤكسدة اللي بتسبب 

تكسير الدم.

دكتور حاتم فاروق.