علشان كده بعد الولادة مش بنحتاجة فنبربطه للطفل بمشبك السرة لحد ما ينشف و يقع....
ساعات الحبل السري بيكون رفيع فبياخد تلت اربع ايام كده و يقع و ساعات بيكون تخين شوية فممكن يفضل 3 أسابيع لحد مايقع
لكن في المتوسط بياخد من 10 :14 يوم لحد ما ينشف و ينزل....
مشاكل الحبل السرى :
ممكن يتلوث او يحصل فيه التهاب و ده بيعمل ريحة وحشة في المنطقة ده و بيكون سخن و ممكن ينزل منه دم كتير...
ساعتها لازم نستشير الدكتور بتاعه علطول..
اما بقي لو نزل نقطتين دم كده او كميه قليلة يبقي مفيش مشكلة خالص.. نضغط عليه لحد ما الدم يقف و نطهر المكان كويس و خلاص.
بس مهم جدا ان الام تعتني بالحبل السري عناية جيدة لحد ما ينفصل عن جسم الطفل.
طرق العناية بالحبل السرى :
- مهم جدا ان الام تغير الحفاضة باستمرار علشان البول او البراز بتاع البيبي ميجيش علي السرة.
و مهم برده ان احنا نتجنب لمس السرة اثناء تغير الحفاضة علشان متتلوثش.
- برده لازم الام تنضف المنطقة اللي حول السرة بالمناديل المبللة المخصصة للطفل.
- ننضف المنطقة اللي حول السرة بالكحول لانه بيساعد علي منع العدوي وان المنطقة دي تنشف بسرعة و ممكن نستخدمه اربع مرات يوميا... كحول 70% .
- ممكن نتني الحفاضة من فوق علشان متحتكش بالسرة و تلوثها او تعمل التهاب.
في كمان حفاضات بتكون مقوسة علشان تتجنب الموضوع ده.
- بلاش نحمي الطفل في البانيو بميه كتير لحد ما السرة تنشف خالص.
- بلاش برده تشدي السرة لحد ما تنزل لواحدها محدش يحاول يشدها.
- مهم برده ان بعد ما السرة تنزل خالص و تقع ان الام تفضل تغير مكانها 3 ايام كمان علشان نتاكد ان مكانها نضيف و سليم....
0 comentar_1
إرسال تعليق