علشان كده مش مستحب ان احنا نشيلها قبل الطفل ما يتم الخمس سنين....
لكن لو هتلتهب كتير و تفضل تيجي كل شوية و علاج و ادوية و قلة اكل يبقي ممكن اشيلها علي عمر 3 سنين..
لان كده ضررها هيكون اكتر من نفعها....
بس لازم نعرف كويس ان استئصال اللوز دي عملية.. يعني مينفعش ادخل ابني العمليات الا لو هو فعلا محتاج...
والطبيعي ان اللوز تفضل موجودة عند الطفل و الاصل انها تتساب من اني اشيلها للطفل..
يبقي لازم نعرف ايه الاسباب اللي تخليني اعمل العملية لابني علشان احميه :
اسباب استئصال اللوز :
1 - لازم اشيل اللوز لو بتيجي للطفل اكتر من خمس مرات في السنة.... بس تكون لوز و الدكنور هو اللي يقول.
مش اي حرارة و خلاص تحصل للطفل احسبها التهاب في اللوز.
2 - اشيل اللوز برده لو كبيرة لدرجة ان اللوزتين لازقين في بعض و بتعمل اختاق للطفل و مش بيتفس مستريح.
3 - اشيلها برده لو حصل فيها خراج حتي و لو مره واحدة.
4 - لو بتسبب تشنجات حرارية للطفل اكتر من تلت مرات في سنتين متتاليتين...
ساعات بحتاج اني اعمل عملية اللوز علشان احمي ابني من الدخول في مشاكل الحمي الروماتيزمية...
خصوصا البنات لانها بتحصل اكتر في البنات من الولاد خصوصا اللي سنهم من 5 - 15 سنة لازم ناخد بالنا في السن ده.
و بعدين مهم جدا ان احنا نعرف ان مش اي طفل رجله توجعه يبقي داخل علي روماتيزم...
وجع المفاصل حاجة و التهاب المفاصل حاجة تانية خالص..
الحمي الروماتيزمية ليها خصائص ممكن دكتور الاطفال يطمنك اذا كانت موجودة عند ابنك ولا لأ....
مهم برده ان احنا نعرف ان ميعاد العملية ممكن تتعمل في اي وقت مش هتفرق بين صيف او شتاء..
و برده هي مش عملية طوارئ يعني نرتب ظروفنا و نعملها..
اخر حاجة... عملية اللوز دي عملية بسيطة و سهلة بس مينفعش الطفل يعملها الا لو محتاجها...
دكتور حاتم فاروق.
0 comentar_1
إرسال تعليق