دكتور حاتم فاروق

يعتبر تطعيم المكورات الرئوية من التطعيمات الإضافية المهمة جدا للاطفال حيث ان مرض الالتهاب الرئوي من الأمراض الخطيرة اللي ممكن تصيب الطفل في السن الصغير خصوصا الأطفال اللي بيكون مناعتهم قليلة او عندهم تاريخ من مرض الحساسية. غير انه برده بيكون ضدد التهاب الاذن الوسطي و يفضل ان اي طفل اصغر من خمس سنوات انه يحصل على التطعيم ده الفيديو ده هيوضح لنا الموضوع ده بالتفصيل

ابنك بطنه بتوجعه دائما!! عنده مغص ومش عارفه ايه السبب ؟!!! طبعا في اسباب كتير ممكن تؤدي لحدوث المغص عند الطفل سواء كان مغص قوي او ضعيف.، و سواء كان مستمر او متقطع منهم الأسباب اللي ممكن تكون بسيطة او ممكن تكون خطيرة علشان كده هنحاول نبين اهم الاسباب اللي ممكن تؤدي للمغص تعالي نشوف ايه الأسباب👇👇 1_ يمكن ان يكون بسبب الامساك او الحساسية من نوع اكل معين . 2_ احتمال التهاب الزائد الدودية او انسداد الامعاء. 3_ عدم نضج الجهاز الهضمى للطفل. *** ومن انواع المغص: 1_ أسباب مرضية خارج البطن نتيجه التهاب رئوى  او التهاب في العمود الفقرى. 2_ أسباب مرضية داخل البطن مثل التهاب الزائدة الدودية او وجود نزلة معوية (اسهال او قئ) . او التهاب في المثانة او احتمالية وجود حصوه في الكلى لابد من استشارة الطبيب المختص . دكتور حاتم فاروق 

كتير اوي بيحصل لبس عند الام بين أعراض التسنين و اي اعراض تانية و بتكون  فاكرة ان اي حاجة بتحصل في السن ده بتاع الطفل بيكون ناتج عن ان الطفل بيسنن. علشان كده في المقال ده هنتكلم عن الموضوع ده بالتفصيل اعراض التسنين و ازاي نقدر نتغلب عليها. أعراض التسنين : - زيادة عصبية الطفل و قريفته بصورة مستمرة - اي حاجة يمسكها يحطها في فمه و يعضعض فيها - زيادة إفرازات اللعاب - فقدان الشهية بالنسبة للطفل و غالبا بيكون عاوز الحاجات السهلة و ممكن وزنه يقل  كمان - ورم في لثة الطفل - ممكن الطفل برده يفضل مقريف و بيشد في ودنه علاج الالام المسببة من التسنين : - ممكن الام تفرك اللثة باستخدام اي شئ بارد او باصبع نظيف - ممكن نقطع جزر شرائح كبيرة شوية و نحطها في التلاجة و بعدين نديها للطفل  يعضعض عليها. - لو القريفة زايدة اوي ممكن نديه مسكن عن طريق الفم - ندي الطفل اكل سهل البلع. وطبعا فترة التسنين دي بتبدأ من 6 شهور لحد 10شهور بس الطفل ممكن يحط ايده  في  بقه و يعضعض من قبل كده بكتير علشان النبتة بتاعة الأسنان بتتكون من بدري  ع...

بيختلف الوقت اللي بتظهر فيه الاسنان من طفل للاخر علشان كده لازم كل ام تعرف ان مش معني طفل من عمر ابنها طلع اسنان اكتر ان ابنها كده عنده مشكلة، التسنين بيختلف من طفل لطفل. اول اسنان بتبدأ تظهر عند الطفل بيكون عند الشهر السادس و دول  بيكونوا السنتين اللي تحت في  النص،، و بعدين بيبدأ الطفل يطلع السنتين اللي فوق في النص، و بعد كده بيطلع السنتين اللي فوق علي  الجنب و بعدين بيطلع السنتين اللي تحت علي الطرف. يبقي كده الطفل مطلع 8 اسنان اربعة  تحت  و اربعة فوق. بعد الطفل اما يطلع الاسنان بيبدأ يطلع ضرس في كل ناحية يعني بيكون عنده ضرسين فوق و ضرسين تحت و بعد كده بيبدأ يطلع الانياب و ده بيكون علي 18 شهر و بكده بيكون عنده اربع انياب.... بعد الطفل اما يكمل سنتين بيبدا يطلع ضرس تاني في كل ناحية و بكده بيكون عنده 8 ضروس و بكده بيكون خلص مرحلة تسنين الأسنان اللبنية اللي هما عبارة عن عشرين تمن اسنان و تمن ضروس و اربع انياب... طبعا دي الصورة الغالبة اللي معظم الاطفال بيسننوا بيها لكن برده في اطفال بتسنن بترتيب مختلف عن الاخرين. دكتور حاتم فاروق 

تنظيف اسنان الاطفال اقل من سنتين  من الامور المهمة اللي لازم كل ام تهتم بيها هي العناية باسنان الطفل، ازاي تقدر الام تحافظ على اسنان طفلها بحالة صحية جيدة و ازاي تقدر تعتني بيها بطريقة سليمة و تحافظ عليها من التسوس. اولا لازم نعرف ان التسنين بيبدأ عند الطفل من الشهر السادس و حتي الشهر العاشر و بتختلف طبعا من طفل لاخر والاسنان اللبنية عند الطفل بتكتمل تماما خلال الثلاث سنوات الاولي في عمر الطفل . ممكن اول حاجة نبدأ بيها هي ان الام تمسح اسنان الطفل بشاشة مبللة او عن طريق فرشة مخصصة بتلبسها الام في صباعها و تدعك للطفل اسنانه بعد الرضاعة علشان تزيل اثار اللبن من علي اسنان طفلها . انواع معجون الاسنان : طبعا انواع معجون الاسنان اللي ممكن نستخدمه لازم يكون بنسبة فلوريد قليلة حسب توصيات جمعية أطباء الأسنان الأمريكية و ده بيكون بداية استخدامة بعد السنة الأولى من عمر الطفل. اقرا ايضا : 7 اطعمة تساعد على زيادة وزن الطفل و تعالج النحافة  بنحط كمية بسيطة من المعجون علي الفرشة يعني حتة كده في مثل حبة البسلة و نبدأ نفرك اسنان الطفل برفق و بصورة دائرية و نحاول نعلم ...

اسباب طقطقة العظام هل هى من اعراض نقص فيتامين دال الشديد ام هى علامة  نقص  الكالسيوم فى جسم الطفل . و هل هى علامة مرضية تحتاج لزيارة دكتور عظام اطفال . هل طقطقة العظام تكون احد اسباب الام المفاصل عند الاطفال طقطقة مفاصل الطفل الصغير من الحاجات المقلقة لامهات كتير لما بتسمع صوت  طقطقة ركبته و كتفه مثلا بتبقي عاوزة تتطمن هل الموضوع ده طبيعي ولا في مشكلة  و محتاجة علاج. إقرأ ايضا : علامات نقص الكالسيوم   علشان كده لازم نعرف السبب اللي بيخلي مفاصل الطفل تعمل الصوت ده اولا لازم نعرف ان اللي بيعمل الصوت ده الاربطة يعني مش العضم يعني ملهاش  علاقة  بنقص الكالسيوم في جسم الطفل اهم حاجة بس ان الدكتور المعالج للطفل يفحصه كويس و يشوف المفاصل بتاعة  الطفل سليمة و العضم في مكانه و حركة المفصل سليمة سواء كانت في مفصل الكتف  او الفخد او الركبة خصوصا مفصل الفخد لازم الدكتور يفحصه خصوصا بعد الولاده علشان يتاكد ان  العضم في مكانه. إقرأ ايضا : اطعمة تزود وزن الطفل   غير كده مفيش قلق و نعمل حسابنا ان الطقط...

امهات كتير مش بتعرف اذا كان ابنها بيشبع من الرضاعة ولا  مش بيشبع ، و بتفتكر  ان اي عياط للطفل بيكون سببه جوع او حتى اما الطفل بيحط ايده في بقه لاي سبب  بتتوقع ان الطفل بيدور على اكل علشان جعان ، علشان كده في المقال ده هنحاول  نبين  العلامات اللي بتخلينا نعرف اذا كان الطفل بيشبع من الرضاعة ولا مش بيشبع ١ - الزيادة فى الوزن لو كان معدل زيادة الطفل في الوزن كويس يبقي اكيد الطفل بياخد كفايته من اللبن و  ان  الطفل ده بيتغذي كويس ، يبقى من المهم جدا متابعة وزن الطفل كل فترة علشان  اقدر احكم على زيادته كويس ٢ - عدد مرات التبول عند الطفل لو كان الطفل بيتبول عدد مرات مناسب ده معناه ان كمية السوايل اللي جسمه اخدها  مناسبة وان الطفل بياخد من اللبن اللى مكفيه وان  الطفل ده متغذي كويس  في حدود  ان البول ده يكون لونه فاتح و من عير رائحة نفاذة ٣ - عدد مرات التبرز عند الطفل الطفل اللي بيعتمد على الرضاعة و بيعمل حمام لين و عدد مرات مناسب يوميا ده طفل  ياخد كفايته من الغذا و جسمة متغذي كويس ٤ - ال...